ໃນວັນທີ 5 ຕຸລາ 2018, ທ່ານ ແສງ ສຸຂະທິວົງ, ເອກອັກຄະລັດຖະທູດ ສ.ປ.ປ ລາວ ປະຈຳຣາຊະອານາຈັກໄທ ໄດ້ນຳພາຄະນະໄປເຊັນປຶ້ມໄວ້ອາໄລ ທີ່ສະຖານທູດຫວຽດນາມ ເພື່ອສະແດງຄວາມໄວ້ອາໄລຕໍ່ການຈາກໄປ ຂອງ ສະຫາຍ ໂດ໊ ເມື່ອຍ ອາດີດເລຂາທິການໃຫຍ່ຄະນະ ບໍລິຫານງານສູນກາງພັກກອມມູນິດຫວຽດນາມ, ອະດີດນາຍົກລັດຖະມົນຕີ, ລູກຜູ້ປະເສີດຂອງປະຊາຊົນຫວຽດນາມ,  ນັກປະຕິວັດຜູ້ກ້າແກ່ນ,  ຜູ້ນຳທີ່ເຄົາລົບຮັກຂອງພັກ,  ລັດ ແລະ ປະຊາຊົນຫວຽດນາມອ້າຍນ້ອງ ທີ່ເສຍຊິວິດໃນວັນທີ 1 ຕຸລາ 2018 ລວມອາຍຸໄດ້ 101ປີ.

ເວລາ 11:00 ໂມງ, ວັນທີ 24 ກັນຍາ 2018 ນີ້, ທີ່ສະຖານເອກອັກຄະລັດຖະທູດແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳລາຊະອານາຈັກໄທ ທີ່ ບາງກອກ; ທ່ານ ອຸຄຳ ແສງແກ້ວມີໄຊຍ໌, ອັກຄະລັດຖະທູດພ້ອມດ້ວຍພະນັກງານສະຖານທູດ ໄດ້ໄປເຊັ່ນປື້ມໄວ້ອາໄລແດ່ ທ່ານ ເຈິ່ນ ດ໋າຍ ກວາງ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ເຊິ່ງໄດ້ເສຍຊິວິດໃນເວລາ 10:05 ໂມງ ຂອງວັນທີ 21.09.2018.

ສະຖານເອກອັກຄະລັດຖະທູດແຫ່ງ ສປປ.ລາວ ປະຈຳຣາຊະອານາຈັກໄທ ໄດ້ເປີດສຳນັກງານສະຖານທູດ ທີ່ບາງກອກນັບຕັ້ງແຕ່ ວັນທີ 25 ກໍລະກົດ - 9 ສິງຫາ ເພື່ອໃຫ້ພີ່ນ້ອງຊາວໄທ ແລະ ຜູ້ມີຈິດໃຈອົບເອື້ອອາລີ ໄດ້ບໍລິຈາກປັດໃຈ ແລະ ວັດຖຸສິງຂອງຕ່າງໆ ພ້ອມທັງສົ່ງກຳລັງໃຈໃຫ້ແກ່ພີ່ນ້ອງຊາວລາວຜູ້ທີ່ປະສົບຈາກເຫດການ ເຂື່ອນແຕກທີ່ເຂື່ອນເຊປຽນ-ເຊນ້ຳນ້ອຍ, ເມືອງສະໜາມໄຊ, ແຂວງອັດຕະປື ຄັ້ງວັນທີ 23 ກໍລະກົດ, 2018. ນີ້ແມ່ນບາງຮູບພາບທີ່ພີ່ນ້ອງຊາວໄທໄດ້ແບ່ງນ້ຳໃຈໃຫ້ແກ່ປະຊາຊົນລາວ, ໂດຍສະເພາະຊາວເມືອງສະໜາມໄຊ

ໃນວັນທີ 26.7.2018 ທ່ານທູດ ແລະ ຄະນະຮັບການບໍລິຈາກ ຂອງຄະນະມູນນິທິປໍເຕັກຕືງ

ການຊ່ວຍເຫຼືອໃນນາມ ມ່ອມເຈົ້າ ອຸບົນລັດ, ພະອົງສົມສາວະລີ ແລະ ພະອົງພາ, ທູດວາຕີກັນ, ທ່ານ ອະພິສິດ ເວດຊາຊິວະ, ສະຖານີໂທລະພາບຊ່ອງວັນ, ບໍລິສັດນ້ຳມັນບາງຈາກແຫ່ງປະເທດໄທ ແລະ ກຸ່ມບໍລິສັດ  TCT ກະທິງແດງ.

ວັນທີ 27.7.2018 ທ່ານທູດ ແລະ ຄະນະຮັບການບໍລິຈາກ ຂອງຄະນະບໍລິສັດນ້ຳສີອຸໄລພານິດ, ຄະນະຫ້າງສັບພະສິນຄ້າສະຫຍາມພາລາກອນ

ທີ 28.7.2018 ທ່ານທູດ ແລະ ຄະນະຮັບການບໍລິຈາກ ຂອງຄະນະເລຂາທິການ ສະມາຄົມ ມິດຕະພາບໄທ-ລາວ, ມູນນິທິເຈດສະດາເຕັກນິກມິວຊຽມລົດບູຮານ

ທີ 29.7.2018 ທ່ານທູດ ແລະ ຄະນະຮັບການບໍລິຈາກ ຂອງຄະນະມູນນິທິວັດທຳມະກາຍ

ທີ 30.7.2018 ທ່ານທູດ ແລະ ຄະນະຮັບພົບປະ ແລະ ຮັບບໍລິຈາກຂອງ ຄະນະທ່ານ ບັນຍັດ ຄຳສີ, ຄະນະສົງ ແລະ ຊົມລົມລາວວຽງ

31.7.2018 ທ່ານທູດ ແລະ ຄະນະພົບປະ ແລະ ຮັບບໍລິຈາກຂອງ ຄະນະບໍລິສັດທົນບູລີເຣວແຄຣ, ບໍລິສັດຫຼັກຊັບແຫ່ງປະເທດໄທ, ຊ່ອງວັນ 31, ບໍລິສັດໄທເວບເວີເຣດຈຳກັດ, ແລະ ສະພາອຸດສະຫະກຳ ແຫ່ງປະເທດໄທ.

ວັນທີ 01.8.2018 ທ່ານທູດ ແລະ ຄະນະສືບຕໍ່ ຮັບບໍລິຈາກຂອງ ຄະນະຄົນໄທເຊືອສາຍລາວ ແລະ ຄະນະສົງ.

 ວັນທີ 02.8.2018 ທ່ານທູດ ແລະ ຄະນະສືບຕໍ່ ຮັບບໍລິຈາກຂອງ ຄະນະທະນາຄານທະນາຊາດ, ວິທະຍາໄລປ້ອງກັນຣາຊະອານາຈັກ, ຄະນະວິທະຍາການຜູ້ນຳໄທ-ຈີນ, ທະນາຄານໄທພານິດ  SCB, ມະຫາວິທະຍາໄລມະຫິດົນ, ທຳມະຊາດ, ກຸ່ມຄົນເຊື້ອສາຍລາວ, ສະມາຄົມວິເທດພານິດໄທ-ຈີນ, ຜູ້ວ່າການເຄຫະແຫ່ງປະເທດໄທ ແລະ ຮ່ວມງານຄອນເສີດທີ່ສະຖາບັນເຕັກໂນໂລຊີ ພະຈອມເກົ້າເຈົ້າຄຸນ ທະຫານລາດກະບັງ ຮ່ວມກັບສະມາຄົມໄທ-ລາວ ເພື່ອມິດຕະພາບ